A. UGA GARA, SE***
OHH….TIDAK, SAYA LEGISLATIF!!!
Kantal andue Taguh, ije biti uluh desa. Sakula mahi baya-baya. Tapi andue aktif huang partai dan mancalon arep jadi Anggota Dewan Perwakilan Rakyat Daerah (DPRD). Hasil pemilihan, andue terpilih mewakili wilayah daerah pemilihan (Dapil) masing-masing.
Metuh andue munduk jadi anggota wakil rakyat, dia luwen kasibuk. Puna dia hakanetep, isut-isut dinas balua daerah. En je studi banding, bimbingan teknis (Bimtek) sampai dengan menghadiri rapat partai huang pulau jawa kanih.
Amun andue jadi balua daerah akan pulau jawa, hara-hara tarawang mandai pesawat. Maklum, Kantal andue Taguh helu bara jadi anggota dewan puna dia puji mandai pasawat. Sanunuh ndai akan pulau jawa, akan Palangka Raya mahi handak dia puji.
Metuh hindai jadi anggota dewan, Kantal andue Taguh cara mahimba malan-manana, mamantat, manetes uwei tuntang manyedot amas. Jadi dia puji kare mandai pasawat akan kare pulau hawa.
Huang sinde katika, Kantal andue Taguh tulak akan pulau jawa mandai pasawat. Tujuan menghadiri undangan Menteri Dalam Negeri (Mendagri). Panulak andue te hayak dengan rombongan Bupati.
Kantal andue Taguh jadi mandai pasawat. Huang pintu tame mendeng due biti Pramugari je bahalap tutu bau mata, baputi malentah hayak manyambut dengan manyewut selamat datang.
Kantal andue Taguh lalu mamparahan tiket akan Pramugari sambil mamisek kursi eka munduk. Pramugari lalu mamisek. “Bapa duduk di kelas ekonomi apa eksekutif?” kuan pisek Pramugari.
Kantal keme arep uluh ije biti je terhormat, apalagi menjabat Ketua DPRD, lalu manjawab auh Pramugari te. “Ohhh…Bukan, saya legislatif!” kuan Kantal manumbah auh Pramugari.###Pantingpana.uga
(Penulis adalah wartawan beritasmapit.co.id)
