A. UGA GARA, SE***
NGAREKOT KILAU IKUH ASU
SADANG je kapurun Taguh. Sama je-dia iye katawa je-mander uluh are. Padahal iye Pambakal huang Lewu Sarunai. Pea dia, ikas katawa cara ngundang artis ih.
Pire-pire andau helun te, rami uluh mander ampin taluh gawin Kantal je bongon-bongon manusul huma seruk uluh. Taguh puna dia tahu-tahu mandohop Kantal.
Padahal uras katawan uluh ih. Kantal tuh uluh ije biti mandohop Taguh sampai tau jadi Pambakal. Sana buah sewut ara, haru tarewen sabanen. Pucat sampai katai-tai.
Kute kia kare kawalan ayun Kantal. Uras benyem tunis. Ngarekot kilau ikuh asu bakerai nihau enteng. Tamam helun-te, uras mander kamamut kamenteng ewen.
Ewen uras harun tarewen, jakadia Bue Bapa Garung je mampisik ewen. “Amun ketun marasa uluh Lewu Sarunai. Leha nalua ketun Kantal. Dohop iye,” kuan Bue Bapa Garung.
“Ela helun nyewut iye sala. Amun hindai tege status hukum, wajib ketun dohop iye. Ela hatalua. Au nah uluh ije kalewu, tau hapakat,” kuan Bue mangaritik ewen.
Sana hining auh Bue Bapa Garung te. Uras tarewen. His-has hapakat mandohop Kantal. Rami ndai je bapander. Hatatumbah ngik-ngak, kilau auh hantitik je huang parit. ##PantingPana.
(Penulis adalah wartawan beritasmapit.co.id)
