Cerita Anak Dayak Kalteng “Pander Panting Pana” Bagian (16)

    “KANTAL KUMAN HAK ULUH”

    KELAKUAN Kantal tuh dia patut inyuntu. Umur jadi ewau petak. Tapi kelakuan sama anak uluh. Jatun bara gawi, ikas katawa ih je busau, busik kartu tuntang mambawi jatun tikas sara.

    Pambakal Lewu Sarunai, Taguh, pehe atei manampayah kelakuan Kantal. Tutu iye kute, Kantal tame ije biti uluh gantung sakula kia.

    “Mikeh ayau tau barubah. Sayang sakula gantung. Keleh aku angkat iye tuh jadi staf-ku huang kantor hapa majar arep,” kuan Taguh pander kabuat.

    Kantal jadi staf Taguh. Tapi jala-jalan tahi Kantal lembut lecak, hayak sabak pander tanjaru. Hadat je papa rajin manjual aran Taguh. Isut-isut mander aran Taguh.

    Kute kia kelakuan. Narai bewei je taluh gawi, sampai je nyaki dirit, bakumbaang mamupu uluh lewu. Tapi amun dinun duit, lepah hapa busik kartu, mambusau tuntang mambawi.

    Labih papa hindai hadat Kantal. Amun tege panengan Pambakal Taguh akan kare warga ayu je laku bantuan. Nitip lewat Kantal, tawan bakurang ih isi amplop.

    Kantal memang pintar. Pintar ngamameh. Bele uluh curiga, amplop je bara Taguh ganti dengan amplop taheta. Jadi amplop je sampai nah, tatap hapa lem ih. Padahal isi jadi bakurang.

    Kute kia amun tege kahaban kapehe kawal. Atas nama staf Lewu Sarunai, manjual aran Pambakal iye mamupu uluh lewu. Tapi je sampai akan kawal, uras dia sesuai kare.

    “Ikas ih kau ampi panengan uluh, wal,” kuan Kantal. Padahal labih bara jite je nenga uluh. Are je tame kantung, bara je nenga akan kawal je kana kahaban kapehe.

    Apin je are gawi mias. Mangkuman hak uluh. Aluh are duit, lepa-lepah kia. Kantal halajur buah kahaban kapehe. Usik kartu sasar sabak, kihup busau tuntang mambawi jatun tikas sara.##PantingPana

    (Penulis adalah wartawan beritasmapit.co.id)