A. UGA GARA,SE
ASAL KESAH ULUH HANTUEN:NAMPA JALAN BARA SEPANG AKAN RUNGAN
BIAR sebagian esu jadi batiruh. Pambakal Taguh tatap malanjut kesah asal usul hantuen. Kutuh au kelanjutan kesah : Antang Taoi manolak tawaran hadiah bara Bapa Tapih awi beken je himat.
Iye mahimat kawin dengan Tapih. Tapih bawi bahalap. Pupus bulu baputi malentah sinde. Tambah hindai bukit kembar Tapih metuh munduk basung.“Dia kia aku je nolak. Amun ikau setuju, aku ngawin Tapih,” kuan Antang Taoi.
Hining auh Antang Taoi je kute nah. Hame-hamen ampin baun Tapih. Bapa lalu misek Tapih, en hadak dia narima palakun Antang Taoi te. Tapih dia menyewut handak, tapi takuluk tungak-tungak tanda iye narima.
Pandak kesah. Antang Taoi andue Tapih kawin. Limbas kawin, sesuai kebiasaan adat ngaju metuh te. Pasangan jejadi kawin, harus hatalinjam melai eka empu, secara baganti bagilir.
Adat kebiasaan je kute anggap awi Tapih andue Antang Taoi babehat. Andue manolak. Maklum, jalan bara Sepang Simin akan hila rungan Lewu Baras Samayang kejau tutu. Jalan jatun dan manyuru padang himba baluang.
Hining auh Antang Taoi andue Tapih je kute. Uluh bakas andue, masing-masing manampa kasapakatan mambuka jalan, mahubung Sepang Simin, Kahayan dengan Baras Semayang, Rungan. Narai kesah kelanjutan? Nyambung andau jewu. ##HantuenSeriKadua
(penulis wartawan beritasampit.co.id)
