​Cerita Anak Dayak Kalteng “Pander Panting Pana” Bagian (4)

    A. UGA GARA, SE***

    EMAIL JADI AKU JUAL

    Lewu Sarunai mintih Damang. Are bakal calon je umba. Setelah melalui tahapan, tege due ih calon maju akan calon Damang, iyete Mantir Taguh dan Mantir Kantal.

    Mantir Kantal tutu iye dia gantung sakula, baya-baya lulus Sakula Rakyat (SR). Tapi iye paham baduit. Maklum, Kantal tuh ingenal uluh are sebagai pengusaha kayu.

    Pemilihan ilaksana secara bujur buah, tuntang dia hatanjaru kula. Tapi akan Kantal, prinsip jite dia hapan. Ije andau helu bara pemilihan, iye jadi manenga duit akan pemilih. Akan ewen mamilih iye.

    Mantir Kantal manang. Mantir Taguh biar gantung sakula tatap kalah tuntang kecewa, awi iye katawa Mantir Kantal hapa duit pamanang arep. Sementara Taguh bujur buah ih, dia hatanjaru dinun kakalah.

    Kantal resmi menjabat Damang, setelah kana lantik. Selama manjabat Damang, are taluh gawi Damang Kantal dia Batek. Nguan taluh gawi dia bujur buah hayak hatanjaru.

    Mamutus perkara adat cara mamanang uluh je manenga duit aka. Usaha kayu makin lancar. Damang Kantal terkenal, ara cara tame koran. Wartawan rajin tutu mawancara iye.

    Huang sinde andau rami tutu wartawan wawanca Damang Kantal. Entah narai maksud wartawan misek kare alamat e-mail Damang Kantal. “Tege alamat e-mail ayum Damang?” kuan pisek wartawan.

    Damang Kantal entah iye paham atau dia dengan pisek wartawan te. Lalu iye manjawab. “Akailah jadi jualku ndai e-mail ayungku,” kuan Damang Kantal. Wartawan heran nyeneh auh Damang Kantal.## panting pana-uga

    (Penulis adalah wartawan beritasmapit.co.id)