​Cerita Anak Dayak Kalteng “Pander Panting Pana” Bagian (9)

    A. UGA GARA, SE***

    DIA “LONTONG” TAPI KATUPAT

    KELUARGA Haji Bagio, melai huang Lewu Sarunai jadi banuhun-banaha. Bara jadi penjual pentol sampai pamili amas. Tanggal 1 September 2017, ewen merayakan hari raya Idul Adha 1438 Hijriyah, ije sulak.

    Awi kahanjak atei usaha maju dan iye marasa arep uluh ije biti mampu. Haji Bagio asal bara Jawa Tengah tuh, handak kia mambagi kahanjak atei te dengan uluh Lewu Sarunai. Iye mampatei due kungan sapi, lime kambing.

    Isin metu je jadi patei imbagi akan uras uluh Lewu Sarunai. Dia akan je Islam bewei, tapi uluh Kristen, Hindu, Buda dan Kaharingan uras dinun. Dia nampayah uluh tatau maupun susah. Termasuk keluarga Kantal andue Taguh.

    Dia cuma manyambalih sapi tuntang kambing, Haji Bagio marawei uluh lewu kuman huang eka huma. Hadai sinde panginan ije nyadia awi keluarga Haji Bagio. Are macam aran panginan je nyadia awi Haji Bagio.

    Bara saluruh panginan, tege ije macam je asing akan Kantal, iye Lontong. “En ikau Kantal, puji kuman lontong?” kuan Taguh misek Kantal, hayak bau komi-komi nampayah ampin baun Kantal.

    Heran Kantal. Dia iye tawa je-kuan uluh Jawa nah, Lontong sama dengan Katupat. Iye ngira Lontong sama dengan Lanjung.“Hauu..narai auh kesah lontong tau kinan!” kuan Kantal numbah auh Taguh.

    Sana sampai human Haji Bagio. Kantal puna handak tutu keme masakan lontong. “Amun mangat, tawan lepah ih karam lontong itu huma. Kai tenah, lontong tau kinan?” kuan Kantal heran.

    Hetang hekut Taguh nyeneh auh pander Kantal. “Iyete pas ih,” kuan Taguh. “Lontong parei je maram, dari pada nganan, keleh pakasak akan balut ketun hanak,” kuan Taguh nyambung pander.

    Sampai huma Haji Bagio. Paling helun Kantal nyenduk Katupat. Awi katupat puna panginan Kantal, dia paduli bara kare ancak amun ara je katupat. “Kueh ampi macam masakan lontong kuam endau nah Taguh?” kuan pisek Kantal.

    “Hauu.. Je huang piring mu-kau lontong kuan uluh Jawa nah,” kuan Taguh. “Jetuh dia lontong, tapi katupat?” kuwan Kantal, numbah auh Taguh. Kantal mikir lontong kuan uluh Dayak sama dengan Lanjung.##PantingpanaUga

    (Penulis adalah wartawan beritasmapit.co.id)