Cerita Anak Dayak Kalteng “Pander Panting Pana” Bagian (11)

    A. UGA GARA, SE***

    OPO PAK DE? DIA UPU, LAWI PATEI IKAU!!!

    PANAMBANG amas huang Lewu Sarunai are bara Lewu Jawa. Huang sinde andau hatue bara Lewu Jawa, Cahyo. Manaksir bawi bujang bahalap, baputi malentah pupus bulu, anak Kantal, Nyai ara.

    Cahyo andue Nyai paham tahi jadi bakawal. Bapacar kuan uluh wayah tuh. Saban bajual amas, Cahyo mili HP, mili baju salawar, tuntang kacot kutang akan Nyai. Hanjak antei Nyai.

    Kataun Kantal dengan Nyai dia mili baju pakaian bewei akan Nyai. Saban andau kia kajan Cahyo guang human Nyai, anak Kantal. Kuaman belum mahi eka human Nyai. Atei Kantal hanhak kia payah kataun Cahyo dengan anak Nyai.

    Sadang jadi katahi andue bakawal. Atei sama rasuk. Kanahuang kawin sana daras. Cahyo andue Nyai akhir kawin. Andue belum netep umba huang human Kantal, Bapa Nyai.

    Katahin umba keluarga Nyai. Are je lucu. Bahasa kadang dia nyambung. Tapas-tapasa, terutama dengan Kantal, Bapa Nyai je puna dia paham bahasa Indonesia, apalagi bahasa Jawa.

    Kute kia Cahyo kurang paham bahasa Dayak Nyaju. Bahasa Indonesia sama pas-paspasan. Sanunuh tau iye ngutak bahasa Dayak, tapi handapas. Puna rami ih huang Keluarga Kantal sana tege manantu uluh Jawa.

    Sinde andau Kantal imbit manantu Cahyo maneweng himba malan mana. Empu maneweng, Cahyo mandirik. Bes-bes Cahyo dirik huang eka ipah lukang teweng kayu Kantal.

    “Uiii Cahyo. Buhau ikau bara hekau. Lungkang lawin kayu guabg hila ekam,” kuan Kantal mander akan manantu, hapa bahasa Dayak.

    Numbah awi Cahyo. “ Opo Pak De?” kuan tumbah Cahyo. “Hei dia upu te tau patei ikau. Lawin kayu kanih natal ikau,” kuan Kantal.

    Kayu balukang. Cahyo dia kia buhau bara eka dirik. Narai taluh ati. Bujur kuan Kantal, dia mu upu je tau patei, tapi lawi. Kayu balukang mangkulep manantu.

    Matei Cahyo. “Kuang ku endau buhau. Lawin kayu tuh tau patei ikau. Malawan ikau bajuju mader upu,” kuan Kantal, sambil side-suden manangis manantu matei kana kulep kayu teweng Kantal. ###PantingPanaUga

    (Penulis adalah wartawan beritasmapit.co.id)