ASAL KESAH ULUH HANTUEN: ANGKES JADI KALUNEN
ULUH Lewu Sepang Simin (Sopang Simin, nama jaman itu), Sungei Kahayan dan Baras Ngahai, Sungei Rungan, sepakat manampa jalan mahubung lewu due jikau.
Helun bara mulai bagawi. Ewen manampa pasah huang Tumbang Paduran. Hong sinde andau, narai macam are panginan huang pasah lepah. Maka jatun uras uluh melai pasah awi uras tulak bagawi.
Andau jewu hindai, lepah kia. Kute rai-rai. Amun jatun uluh manunggu huang pasahte tawan lepah hindai panginan. Awi ewen panasaran, lembut rencana menyelek. Handak manampayah, eweh je cara nakau panginan ewen bara pasahte.
Sinde andau, ewen pura-pura tulak bagawi, padahal ewen nyahokan huang parak ruwut tukep pasah. Hong kesempatan jite ewen manampayah Angkes (Sejenis Tupai), tame akan pasah, lalu baubah wujut jadi kalunen hayak bakena bau mata.
Gitan uluh lewu je kute nah. Lalu ewen mangapung pasah dan manekap Angkes.“Ampun, ela mahukum aku. Kareh aku manewus uras kasanlangku!” kuan Angkes.
“Narai hapam newus kasalam?” kuan pisek uluh lewu“Aku tau dohop ketun nampa jalan. Hong telu andau jadi tau inyuru,” kuan Angkes, kalunen jadi-jadian. Dan ewen uluh lewu setuju.
Dan bujur kia, huang andau katelu Angkes manampa jalan. Biar iye kabuat, langsung jadi awi. Atang Taoy andue Tapih hanjak hining kabar jikau. Dan andue kia palus manduan Angkes (kalunen jadi-jadian) palus akan anak angkat. Belum lah angkes dengan Antang Taoi andue Tapih. #HantuenSeriKatelu
