Cerita Anak  Dayak Kalteng “Pander Panting Pana” Bagian (21)

    ASAL KESAH HANTUEN:TAHUMAN BARUBAH JADI ANAK AWO BAWI

    JALAN jenampa awi Angkes (bara sejenis tupai barubah jadi kalunen), bara Sepang Simin (Daerah Tumbang Payang, Sungei Kahuin) simpang Sungei Simin akan Baras Ngahai (Daerah Tumbang Jutuh) jadi tau nyuru. Uluh due lewu, lus-lang lewat jalan jikau hakaja kula babuha, dan nampa uluh ara Jalan Antang Taoy.

    Atang Taoy andue kabali Tapih, tuntang anak angkat Angkes, luli-lia saban minggu, antara Kahayan-Rungan. Sinde andau, metuh melai Rungan. Tapih metuh batihi due bulan dan ngidam handak kuman laok Tahuman.Antang Taoy, sayang tutu dengan kabali Tapih. Narai jekahandak kabali, uras numun awi Antang Taoy.

    Lius kaput, Antang Taoy tulak nyuar laok Tahuman huang Sungei Rungan. Metuh jaman te, bahanyi mipis bumbu helun bara tulak nyuar. Dia pire katahi Antang Taoy tulak nyuar. Iye buli akan lewu mimbit laok. Tege pire-pire macam laok je dinu nyuar, termasuk Laok Tahuman kahandak kidam Tapih nah.

    Pandumah Antang Taoy huang lewu, ujan papak panggar, hayak nyahu kilat. Angat biti badarem kamokot. Antang Taoy capat manusuk laok hapa uwei, lalu buli akan huma. Tapi dia iye bingat manusuk risang Laok Tahuman je mandak penda laseh tutuk haluan jukung.

    Iye harun bingat, awi kabali Tapih misek Laok Tahuman.“Akayah andi. Tege endau andak-ku melai penda laseh tutuk haluan jukung. Harapan kahai. Kahain sapak tuh. Awi aku capat-capat, kueh biti sadingen sangengem, kalapean ndai aku mimbit,” kuan Atang Taoy umba kabali.

    “Nunggu ujan tuh baranai isut aku mandua, palus manimba jukung,” kuan Angtang Taoy, nyambung pander. Ujan jadi tende. Antang Taoy palus muhun akan talian manduan Laok Tahuman je balihi nah. Tarewen sabanen, Antang Taoy. Hining tege auh anak awo manangis penda laseh tutuk lahuan jukung. Tapei laseh, gite anak awo bawi. Gau Laok Tahuman jatun.

    Awo bawi jikau ngak-ngak nangis awi kasadingen. Apalagi jatun baju pakaya. Antang Taoy lalu mangkipit anak awo jikau akan huma. Kalapean kabali ndai je umba Laok Tahuman jikau. Deroh maharagu baju pakayan awo bawi jikau. Mambungkus ngalasut hapa kare tapih bahalai. Pandak kesah. Awo jikau pelum awi Antang Taoy andue kabali Tapih sampai kabujang.

    Taguh bakesah sama uyuh kia. Andau jadi sama sadang kagantung alem. Anak jarian tuntang esu sama ham-ham ngantuk, lalu matur paniruh ewen. Apalagi je Kantal. Jadi lime galas kopi, sama ngantuk kia mata. “Jewu ndai aku nyambung kesah,” kuan Taguh.#HantuenSeriKaepat

    (Visited 1 times, 1 visits today)